2 چێشتخانەی تایبه‌ت به خواردنی ڕۆژهەڵاتی ناوەڕاست لە دۆهوک
خواردنه‌کانی ڕۆژهەڵاتی ناوەڕاست چەندین سوپرایزیان تێدا شاراوەتەوە. بە لەبەرچاوگرتنی تازەیی و تەندروستی و خۆراکی و سروشتی بۆنخۆشی خۆراکەکانی ڕۆژهەڵاتی ناوەڕاست، سەیر نییە لەماوەی دەیەی ڕابردوودا خەڵکی جیهان خواستێکی بەهێزیان بۆ خواردنی ئەم جۆرە خۆراکە پەرەپێداوە. هەر لەبەر ئەم هۆکارە، ئەمڕۆ لە کوردنیدز، سەردانی باشترین چێشتخانەکان دەکەین کە باشترین خواردنی ڕۆژهەڵاتی ناوەڕاستتان پێشکەش دەکەن لە دهۆکی جوان.
Wooden House
بێ گومان خانووی دارین یەکێکە لە باشترین چێشتخانەکانی ڕۆژهەڵاتی ناوەڕاست لە شاری دۆهوک.
دڵنیاتان دەکەینەوە کە نزیکەی هەموو خواردنەکانی ناو مینیوی ئەم چێشتخانەیە بە تام و چێژن و تامێکی لەبیرنەکراویان هەیە. لە زەڵاتە و هوموسەوە تا تەنانەت پیتزای تایبەتی ئەم مطعمه! بەڵام جگە لەو هەموو خواردنە بەتامە، نانی تایبەتی چێشتخانەی خانووی دارین ئەوەندە بەتامە کە نزیکەی هەموو کڕیارانی ئەم چێشتخانەیە دڵخۆش دەکات.
یەکێک لە گرنگترین خاڵە بەهێزەکانی ئەم چێشتخانەیە هەبوونی شوێنی دانیشتنی دەرەوەی فراوانە. هەر لەبەر ئەم هۆکارەش پێشبینی دەکەین لە وەرزە گەرمەکانی ساڵدا ئەم ناوچەیە ببێتە شوێنێکی دڵگیر بۆ چێژوەرگرتن لە ژەمێکی یادگاری.
ڕەنگە گرنگترین ڕەخنەی تیمەکەمان بۆ ئەم چێشتخانەیە کەمی جۆراوجۆری مینیوی ڕووەکی بێت. بێگومان ناتوانرێت ئینکاری ئەوە بکرێت کە خواردنەکانی ناو مینیوی ڕووەکی ئەم چێشتخانەیە تام و بۆنێکی ناوازەیان هەیە.
لە کۆتاییدا دەبێت بڵێین لە یەکەم نیگادا ڕەنگە نرخی خواردنەکانی خانووی دارین بەرز دەرکەوێت. بەڵام بۆ ئەوەی حوکم لەسەر نرخەکەی بدەیت، دەبێت چێشتخانەی خانووی دارین بەراورد بکەیت لەگەڵ هاوتاکانی.
Malta Restaurant
چێشتخانەی ماڵتا یەکێکە لە باشترین چێشتخانەکانی ڕۆژهەڵاتی ناوەڕاست لە شاری جوانی دهۆک. ئەگەر بمانەوێت لە یەک ڕستەدا گرنگترین تایبەتمەندی ئەم چێشتخانەیە دەرببڕین، دەبێت بڵێین خواردنە بەتامەکان بە باشی لەگەڵ سیستەمی خزمەتگوزاری چێشتخانەکەدا تێکەڵ کراوە. لە ئەنجامدا دەبینین کەشێکی گونجاو لەم چێشتخانەیەدا دروست دەبێت.
ئەگەر لێمان بپرسن دەبێ پێتان بڵێین کە ئێمە زۆر حەزمان لە ماسی ئەم چێشتخانەیە بوو. بەڵام ناتوانرێت ئینکاری ئەوە بکرێت کە پیتزای ماڵتاش بە تام و چێژە. بەڵام بەبێ گوێدانە ئەوەی کام خواردن بە تامی ئێمە بووە و کامیان نەبووە، دەبێت ئاگادارتان بکەینەوە کە پاکوخاوێنی ئەم چێشتخانەیە سەرنجی ئێمەی بۆ خۆی ڕاکێشا.
لە کۆتاییدا دەتوانرێت شوێنی دانیشتنی دەرەوەی ئەم چێشتخانەیە وەک بژاردەیەکی دیکەی ئەرێنی لە ماڵتا پێتان بناسێنرێت. شوێنی دانیشتنی دەرەوەی ئەم چێشتخانەیە دیمەنێکی زۆر جوانی هەیە و ئارامیەکی بێئەندازەت پێدەبەخشێت.
